45-годишен лекар од гостиварската Општа болница се сомничи дека изготвувал и на поединци им издавал негативни ПЦР тестови за Ковид 19, а за возврат од нив добивал извесна сума парични средства. Тестовите ги изготвил на почетокот на овој месец за две лица, на кои им биле потребни за патување надвор од земјава.
Од СВР Тетово информираат дека лекарот вчера бил лишен од слобода, а до Основното јавно обвинителство Гостивар денеска поднесена е кривична пријава против него, поради основи на сомнение дека сторил кривично дело „злоупотреба на службена положба и овластување“, казниво по член 353 од Кривичниот законик.
45-годишникот кој по приведувањето е задржан во Полициската станица Гостивар, со кривичната пријава денеска ќе биде однесен пред Јавен обвинител.
Данијела Билбилоска
