Во пресрет на почетокот на подготовките за првите три натпревари од квалификациите за пласман на Светското првенство, селекторот на фудбалската репрезентација Игор Ангеловски реши да повика двајца нови фудбалери.
На националниот тим ќе му се приклучат Агим Ибраими, кој го носи дресот на Кукс и Стефан Ашковски кој настапува за романскиот прволигаш Ботошани.
Двајцата фудбалери ќе ги заземат местата на Ѓоко Зајков и Тихомир Костадинов, кои при тестирањето во своите клубови имаат позитивни резултати на инфекција со коронавирусот додека Иван Тричковски не може да настапи поради повреда.
Собирот на репрезентативците е утре во Скопје, а во попладневните часови нашите фудбалери ќе го одржат и првиот тренинг.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.