Тодоров и Груевски разговарале неколку часа во Будимпешта, тврди поранешен висок функционер на ВМРО ДПМНЕ кој е близок со поранешниот министер за здраство. Тема на разговор биле случувањата во ВМРО ДПМНЕ но детали не се откриваат. Се ќе биде јасно за два месеца, вели изворот за Телма. Се обидовме да стапиме во контакт и со Тодоров но тој ниту ја потврди ниту ја демантира веста.Тодоров е жесток критичар на политиките на Христијан Мицкоски.Во една колумна тој напиша.
Секоја нова шанса на Мицкоски значи дека сме спремни и согласни да му дадеме уште една шанса на Заев.Тој се надева дека ќе успее на овие локални избори да освои 20-на градоначалници и тој пораз, математички прецизно да ни го претстави како епохално подобрување на резултатот од последните локални избори, но и изборна победа на ВМРО ДПМНЕ.
Средбата е остварена во момент кога Иницијативниот одбор за промени го одложи Вонредниот конгрес кој требаше да се одржи на 28 март а на кој требаше да се гласа за доверба на лидерот на ВМРО ДПМНЕ Христијан Мицкоски.Тие и денеска се огласија порачувајќи му на лидерот на ВМРО ДПМНЕ дека отпорот во партијата се зголемува и се ближи крајот на неговите партиски бизниси.ВМРО ПМНЕ ова го оцени како уште една пропадната инвестиција на Заев и доказ дека партијата не прави пактови со криминал.
Јулијана Пешевска