На неодамна одржаното државното првенство за сениори и државниот Бергер турнир за 2025 година, кои имаа критериум за избор на сениорска карате репрезентација на Македонија, „Макпетрол“ освои вкупно 15 медали од кои осум златни, пет сребрени и две бронзени медали.
Успешноста која во континуитет ја постигнува овој спортски колектив во изминатите години, покажува дека во македонската карате историја „Макпетрол” е најтрофејниот и најуспешен клуб во државата. Епитетот најтрофеен е поради бројните освоени медали од сите видови на натпревари кои се организираат од страна на Карате федерацијата на Македонија (КФРСМ), Европската карате федерација (ЕКФ) и Светската карате федерација (WKF).
За период од 2001 до 2025 година, од учества на државни првенства карате клубот „Макпетрол” освоил вкупно 953 медали, дд кои 409 златни, 289 сребрени и 255 бронзени медали.
Скопскиот клуб најголем дел од овие медали или поточно 462 ги освоил во сениорска конкуренција и во конкуренција на помлади сениори (У21).
Од почетокот на 2009 година па се до оваа година, дури 147 спортисти на „Макпетрол“ биле прворангирани во државното првенство и биле македонски репрезентативци, кои потоа учествувале на Светски или Европски првенства.
Карате клубот Макпетрол – Скопје е историски најуспешниот спортски колектив кој константно придонесувал за успешноста и развојот на карате спортот во Македонија.