Пописот може да се одложи само со политички консензус. И покрај лошата епидемиолошка слика, зголемениот број на заразени ,немањето доволно попишувачи, власта зесега не отстапува и најавува старт на најголемата статистичка операција на 1 април.ВМРО ДПМНЕ бара Собранието да донесе закон со кој пописот ќе се одложи до септември.
Комисијата за заразни болести не е надлежна да одлучува дали ќе се спроведува пописот или не затоа што тоа е политичка одлука, вели претседателот на Комисијата за заразни болести, Жарко Караџоски. Протоколот е изготвен а попишувачите ќе треба да го почитуваат.
Задолжително носење заштитни маски, одржување дистанца од повеќе метри, користење дезинфекциски средства.Лицата кои се во изолација ќе се попишуваат со посебни мерки.Но стравот од короната доведе и до слаб интерес за попишувачи. Државниот завод за статистика ќе распише нов оглас.
ВМРО-ДПМНЕ бара партиите да седнат на заедничка маса и да донесат закон со кој пописот ќе се одложи за септември.
СДСМ не отстапува и убедени се дека пописот ќе биде безбеден.
Попишувањето треба да се врши пред вратите или во дворовите на куќите и становите. Расте и отпорот кај граѓаните кои најавуваат бојкот на пописот поради ставањето во ризик на јавното здравје.
Јулијана Пешевска