Отфрлена е жалбата на Орце Камчев и останува одлуката за 30 дневен притвор во скопскиот истражен затвор.
Од кривичниот суд Скопје потврдија дека жалбата на Камчев денеска ја разгледал надлежниот совет и ја отфрлил.
Камчев е во притвор од недела, откако АНБ издаде службена белешка за подготовка на бегство во Бугарија.
Одговарајќи на новинарско прашање, премиерот Зоран Заев попладнево рече: „Информирам сум од АНБ преку службена белешка, со назнака строго доверливо, и не можам да ги коментирам. Но, се апсолутно сериозни. Јас не би ги споделувава деталите бидејќи се работи за класифицирани информации“.
Телма информираше дека Обвинителството бараше 30 дена притвор поврзано со случајот плацеви на Водно. Откако му беше определен притвор, Камчев кој е осомничен и во случајот Империја беше спроведен во скопскиот затвор во Шутка, Неговиот бранител смета дека немало никакви докази или индиции за бегство, одлуката ја нарече садистичка реакција на државните институција на прочка против човек кој има болница и инвестира во време на пандемија.
Миомир Серафиновиќ