Македонската машка ракометна репрезентација вечерва против селекцијата на Данска ќе го одигра шестиот меѓусебен дуел.
Двата тима до сега се соочувале само на големите натпреварувања и ова ќе биде прв меч во кој Македонија и Данска ќе одиграат еден квалификациски натпревар.
Во изминативе мечеви Македонија нема ниту една победа, а најблиску до позитивен резултат бевме пред девет години кога на Европското првенство во Србија бевме поразени со 33:32 и тоа со погодокот на Линдберг во последните секунди.
Првиот меч го одигравме на 25 јануари 2009 година и тоа Светското првенство кога Данска славеше со 32:24. Четири години подоцна на Мундијалот во Шпанија, Данците не совладаа со 33:30, а потоа следат два натпревари на континенталните шампионати.
Во 2014 година, Данска славеше со 29:21, а четири години подоцна во Хрватска триумф на нашиот вечерашен противник од 30:21.