Корнелија Хитер славеше на спуст трката во норвешкиот ски-центар Квитфјел во рамки на Светскиот Куп во алпско скијање.
Скијачката од Австрија до деветтата победа во кариерата во Светскиот куп, а четврта во спуст дојде со време од 1 минута, 31 секунда и 46 стотинки. Зад неа финишираше Германката Ема Аихер со 15 стотинки послабо време, за кого ова беше прв подиум во кариерата, додека третото место и припадна на Бризи Џонсон од САД.
Двете Италијанки кои денеска за малку завршија надвор од првите три, Федерика Брињоне и Софија Гоџа водат во спуст со 334, односно 310 бодови, додека денешната победничка Хитер е трета со 308 бодови.
Во генералниот поредок повторно прва е Брињоне со 1.044 бодови, додека Лара Гут Бехрами е втора со 213 бодови помалку.
Утре во норвешкиот ски-центар скијачките повторно ќе се натпреваруваат во спуст, а во недела на програмата е трката во супер велеслалом.
Conny Huetter 🏆🇦🇹 bounces back in Kvitfjell!#fisalpine #KvitfjellWomen #WinterSport pic.twitter.com/sR7n56aF5k
— FIS Alpine (@fisalpine) February 28, 2025