Македонската футсал репрезентација не успеа да направи нова сензација и вториот меч против селекцијата на Србија доживеа убедлив пораз од 6:1.
Нашата селекција одлично го отвори мечот и во деветтата минута поведе со голот на Исмаили. Но, само петнаесетина секунди подоцна Пршиќ од пенал успеа да го израмни резултатот.
Од тој момент Србија доминираше на теренот и до крајот на првото полувреме со погодоците на Петровиќ. Петров и Лазаревиќ стигна до предност од 4:1.
Во продолжението од мечот, селекторот Скендеровски играше со многу ризик и во поголемиот дел во нападот бевме без голман, а тоа противникот успеа да го казни и со головите на Томиќ и Ракиќ стигна до убедлив триумф од 6:1.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.