Словенечка доминација на ски-летовите во Оберздорф. По вчерашниот триумф на Тими Зајц, денеска победа на Домен Превц за кого ова беше прв триумф по речиси шест години пауза во ски-летови.
Превц до победата стигна со скокови од 226,5 и 213,5 метри или вкупно 436,8 поени. Второто место го освои Норвежанецот Јохан Андре Форфанг со 3,6 поени помалку во однос на Словенецот, а место на победничкиот подиум имаше и за Михаел Хајбек од Австрија како третопласиран со 7,7 поени послаб резултат.
Во пласманот на ски-летови по две натпреварувања, Превц и Форфанг имаат по 160 бодови на врвот. Во генералниот поредок и натаму лидер е Даниел Човениг со 1.146 бодови, Јан Херл е втор со 1.043.
Следните две натпреварувања се во германски Вилинген идниот викенд.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.