Мијалков се појави во јавното обвинителство со барање да му се промени адресата во решението за куќен притвор

Адвокатот на Сашо Мијалков, Петар Василев за Телма потврди дека Мијалков дошол во Обвинителството за гонење на организиран криминал и корупција со цел да се изготви ново решение, во кое ќе стои неговата домашна адреса а не адресата која првично обвинителството ја даде во решението за куќен притвор кое го одобри Кривичниот суд-Скопје.

Василев и Мијалков правно не се сопротивставуваат на решението за притвор, освен забелешката за промена на адресата. Мијалков бара куќниот притвор да му биде одреден во неговиот семеен дом на улицата „Салвадор Аљенде“.