Шокантна вест за несекојдневен инцидент објави Собранието на јужнокорејскиот град Гуми. Нивниот „робот супервизор“, кој беше претставен во јавноста во август во 2023 година, е пронајден без функции, откако паднал по скали на височина од два метра.
Роботот бил воведен како иновативно решение за оптимизација на градската администрација. Неговата примарна улога опфаќала испорака на документи во рамки на градската управа, промоција на градските иницијативи и давање на информации на граѓаните.
Како поширок дел на дигиталната трансформација, роботот требал да ја унапреди ефикасноста на работата и да ги покаже предностите од употребата на технологија во секојдневниот живот.
Необично однесување пред инцидентот
Според очевидци, непосредно пред инцидентот, било забележано необично однесување на роботот кој се вртел во место, што предизвикало загриженост меѓу присутните. Неговото чудно однесување укажувало на можни технички проблеми или софтверска грешка.
View this post on Instagram
Технички дефект или „стрес“ на работа?
Иако техничките експерти веднаш почнале истрага, инцидентот предизвикал различни реакции. Додека едни се сомневаат во технички дефект, други во шега се осврнаа на можноста дека „стрес“ на работното место довело до самоубиство. Иако оваа теорија звучи фантастично, сепак, и укажува колку далеку е отидено со персонификација на технологијата и улогите што се доделуваат на вештачката интелигенција.
Истрагата е во тек, а производителот на роботот Bear robotics темелно ги анализира сите податоци од системот за да се утврди што точно довело до несреќата.
View this post on Instagram