Матурантите да полагаат два екстерни испити, а за двата интерни да се изведе средна оценка од четирите години.Ова е компромисот што го нуди Парламентарниот Клуб за младински политики, а е прифатлив и за матурантите.
Парламентарниот Клуб на младински политики предложи и втора варијанта: да се полагаат четирите предмети по скратена програма, но за матурантите е поприфатлива првата.
Еден од пресудните фактори да се прифати оваа варијанта е тоа што сепак во игра остануваат четирите предмети, што значи дека нема да има пречки за запишување на матурантите на домашните и на странските универзитети. За ова сепак ќе се расправа и на ниво на Сојузот, по што ќе се донесе конечна одлука, а предлогот ќе биде испратен до МОН и владата.
На денешната дебата и претставниците на Министерството се изјасниле дека треба да се најде заеднички јазик со матурантите.
Далиборка Демјанска