Иницијативниот одбор за свикување на вонреден конгрес на ВМРО-ДПМНЕ со нова реакција откако Централниот комитет на партијата не го прифати предлогот за свикување вонреден конгрес во март.
Од Инцијативниот одбор велат дека „се уште актуелниот претседател на ВМРО-ДПМНЕ Христијан Мицкоски нема капацитет да ја води партијата“ и додаваат дека „тоа резултира со видлива несигурност и немир, кои предизвикуваат панични реакции на ароганција, гнев и навреди кон сите оние што се охрабруваат да ја кажат вистината што ја гледа целата јавност“. Вистината е дека Мицкоски има погрешно поставени приоритети, а личните, лукративни интереси му се поважни од партиските и државните. Oд Иницијативниот одбор посочуваат дека Мицкоски, наместо да даде отчет, ги навредува и оние што го гласаа на чело на партијата во 2017 година.
Се огласија од пратеничката група на ВМРО-ДПМНЕ кои преку соопштение го поддржаа Мицкоски, и укажаа дека треба целосно да се почитуваат одредбите од Статутот на партијата, без да се дозволи негова злоупотреба од страна на кои било поединци или групи.
