МВР соопшти дека добила известување од колегите во Бугарија дека денеска во Софија е приведен Игор Спасов, по кого беше распишана меѓународна потерница.
Спасов е осуден нa 14 години затвор за убиството на Мартин Нешковски.
Нешкоски беше претепан до смрт на победничката прослава на ВМРО-ДПМНЕ на парламентарните избори во 2011 година на плоштад „Македонија“, во центарот на Скопје.
Спасов беше пуштен од затворот „Идризово“ пред една година, поради лекарски и вешти наоди дека морало врз него да се извршат најмалку две хируршки интервенции. Тој се оперирал од дискус хернија и од кила. Требало да се врати во затворот „Идризово“ на 18 октомври, но не го сторил тоа.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.