Светската здравствена организација додели нова значајна помош за македонското здравство, овој пат како донација за Институтот за Јавно Здравје.
Придонесот кон зајакнувањето на капацитетите на државата за дијагностицирање и зајакнување на лабораториите кои вршат молекуларни тестови за присуство на САРС – КОВ- 2 се состои од 20 000 брзи тестови, 3 биомедицински замрзнувачи кои работат на -30 степени целзиусови и 2 замрзнувачи на – 86 степени целзиусови.
Според информациите од светската здравствена организација, капацитетите на замрзнувачите се следни: во еден биомедицински замрзнувач од -30 степени може да се сместат околу 57 000 дози вакцина, што значи вкупно 171 000 дози вакцини за трите замрзнувачи, додека во еден од замрзнувачите со – 86 степени целзиусови може да се сместат 117 000 дози на вакцини или вкупно за двата замрзнувачи – 234 000 дози вакцини.
Вкупната вредност на донациите, кои беа презентирани пред директорот на ИЈЗ, Шабан Мемети и раководителката на лабораторијата за вирологија, Елизабета Јанчевска, изнесува 156, 254 американски долари.