Македонскиот автомобилист Игор Стефановски – Иџе денеска финишираше на второто место на трката во Чешка во рамки на Европскиот шампионат на ридски патеки.
Иџе со своето Ферари денеска во двете трки на патеката Еце Хомо Штернберк во категоријата 1 оствари вкупно време од 6 минути, 46 секунди и 480 илјадитинки. Нашиот автомобилист беше втор зад победникот Лиридон Календри од Косово, кој имаше предност од 17,7 секунди. Трет финишираше Никола Вервер од Франција.
Иџе беше втор и на претходната трка во Португалија, во Австрија го освои третото место, а во Шпанија беше прв. Следната трка е за две недели во Германија.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.