Премиерата „Пасивно пушење“ ќе ја врати штипската публика во театарот. Но, комедијата ќе можат да ја видат само 35 гледачи, во салата во која има 180 седишта, а поради здравствените протоколи публиката ќе биде со маски и наместо во вообичаениот термин ќе почне во 15 часот. Актерите велат дека им недостасува публиката.
Вработените во штипскиот театар велат дека проблемите во време на корона пандемијата им се пред се од психолошки карактер, бидејќи им треба публиката и аплаузот. Најпогодени се нивните колеги независни уметници и музичари.
Лани штипскиот театар имаше четири претстави, а за годинава се уште не знаат, бидејќи ја немаат добиено Програмата од Министерството за култура, ниту пак знаат дали некој од објектите ќе биде реконструиран.
Викторија Јованова
