На отворањето на Светското првенство во ракомет во машка конкуренција, репрезентацијата на Македонија ќе се соочи со Шведска, а натпреварот во Каиро почнува во 20 часот и 30 минути.
Можеби на хартија Швеѓаните се фаворити, но во Египет допатуваа во ослабен состав и тоа може да биде голема шанса за нас да направиме изненадување. Шведска се вбројува меѓу најголемите ракометни нации на светот, но нашиот тим кој е спој на младост и искуство сигурно дека предвреме да се предаде и ќе се обиде да ја искористи можноста за сензација.
“На тренинзите работевме како дека ќе одиме на Светското првенство и сметам дека со овој состав кој е во фаза на формирање мислам дека сме доволно подготвени за настап. За нас ова е награда, но не дојдовме во Египет само да учествуваме. Целта ни е да се пласираме во вториот круг, а секој натпревар во продолжението е можност голем дел од играчите да соберат дополнително искуство кое многу ќе ни значи за во следните настапи бидејќи на оваа генерација на играчи и престои светла иднина”, изјави пред натпреварот селекторот Данило Брестовац.
Предводникот на националниот тим истакнува дека не очекува еден тежок натпревар.
“Шведска е силна репрезентација, не очекува една голема битка, еден голем натпревар и сигурно дека нема однапред да се предадеме без разлика на фактот што поради кусиот период не сме добро подготвени за овој натпревар. Египет е домаќин на првенството, се наоѓаме во идентична ситуација како и на последното Европско првенство во Австрија., но откако извлековме поуки од мечот пред една година сега се надевам на добра игра и поволен резултат. Со селекцијата на Чиле игравме две контролни средби. Чилеанците на тие мечеви играа со најдобриот состав додека ние сме посилни со Кире Лазаров, Стојанче Стоилов и Никола Марковски во екипата. Ние не ги извадивме најдобрите адути, а тие покажаа се што знаат во моментов. Верувам дека на тој натпревар ќе бидеме максимално фокусирани и дека ќе се пласираме во вториот круг “, заврши Брестовац.