Специјалниот пратеник на Република Македонија за Бугарија Владо Бучковски денеска ќе пристигне во Софија на разговори со бугарскиот политички врв.
Посетата ќе трае неколку дена, а тој последен пат беше во Софија на почетокот на декември, кога имаше средби со министерот за надворешни работи Екатерина Захариева, премиерот Бојко Борисов и министерот за одбрана Красимир Каракачанов.
Според бугарските медиуми, целта на посетата на Бучковски е враќање на довербата меѓу двете земји и спроведување на Договорот за соседство и пријателство, кој беше потпишан на 1 август 2017 година.
Владо Бучковски беше назначен за специјален пратеник на македонската влада во Бугарија на почетокот на декември 2020 година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.