Редици пред маркетите, месарниците и банките граѓаните ги прават и последните подготовки во пресрет на Новогодишната ноќ. Сепак за многумина годината која изминува беше навистина тешка доколку се има предвид состојбата со Корона вирусот, кој сосема го промени начинот на живот. Велат дека новогодишната ноќ ќе ја дочекаат во кругот на семејството.
За пазарџиите годинава сепак во многу нешта се разликува. Ги нема вообичаените турканици на граѓаните, бидејќи пандемијата со Ковид 19 во голем дел се одрази и на нивната работа.
Велат дека во голем дел ги нема и младите луѓе кои најчесто знаат во последен миг да направат подготовки за оваа ноќ.
Сепак многумина во едно се согласни се надеваат дека Новата година би требало да донесе подобри времиња, сите лоши нешта да ги оставиме во старата. Во „новата нормалност“ што поскоро да можеме да ги прегрнеме сите кои ни недостасуваат. Доколку сме заборавиле да се радуваме на малите наште доволно е да ги погледнеме детските лица и нивната возбуда во пресрет на Новата година.
Нина Стефанова