Легализацијата и декриминализацијта на канабисот нема да биде привилегија само на богатите, најави денеска од собраниската говорница премиерот Зоран Заев.
Според него, со оваа владина мерка се отвора можност секој граѓанин за својата лична употреба да може да одгледува одредена количина канабис.
„Нашиот став во однос на ова прашање е јасен. Ова нема да биде привилегија само на богатите да инвестираат или слично, целта е да се овозможи на секој граѓанин на пример од две до три стебла под контрола на агенцијата која што е предвидена во самиот закон за сопствена потреба да може да ги користи или пак може да ги делегира на компанија да ги одгледува за него како што и сега се бележи секое стебленце со посебен број со посебна контрола или слично„ порача премиерот Заев.
Тој додаде и дека со легализацијата на канабисот истовремено се отвораат нови економски потенцијали и развој на одредени стопански гранки, како угостителството и туризмот.
„ Во Холандија во БДП, услужните дејности учествуваат повеќе од 60%, во земјите насекаде е 25, 45, 35 отсто, ние немаме море, немаме пристаништа, немаме извори на нафта да го развиваме нашиот економски сектор и ова е добар потенцијал што државата може да го искористи “ оцени Заев.