На Собраниската говорница се појавија фотографии на народните херои Мирче Ацев, Страшо Пинџур, Мучето, како и на тетки, баби, дедовци и други роднини на пратеничката Рашела Мизрахи. Сите биле жртви на бугарскиот фашистички окупатор. Преку нивните судбини и нејзините пратенички прашања, Мизрахи побара од премиерот Заев да прецизира дали Бугарија била администратор или окупатор.
Премиерот Заев посочи дека одбива да биде квазипатриот со подготвени говори за да не го остави својот народ во балканското сивило. Одговори дека злосторствата ги извршиле бугарски фашисти, но бугарскиот народ не бил прашан дали сака сојуз со Третиот рајх.
Преку пратенички прашања, ова беше прво соочување на пратениците со Владата по јулските предвремени парламентарни избори.
Соња Николовска
