Германската канцеларка Ангела Меркел изјави дека очекува деновиве да се реши прашањето со пристапните преговори на Северна Македонија со ЕУ. Таа во одговор на прашање на претседателот на Комисијата за европски прашања на Бундестагот, Гинтер Крихбау, кој зборуваше за злоупотреба од страна на земјите-членките кон земјите-кандидати за да си промовираат билатерални прашања, одговори дека е во контакт со бугарскиот премиер Бојко Борисов и се надева дека ова прашање наскоро ќе биде решено.
Инаку амбасадорите на земјите членки на ЕУ, вчера попладнево ги усвоија заклучоците на Евроспката Унија на земјите кандидати. Помина и точката осум од нацрт-текстот во кој стои реченицата „погрешно толкување на историјата“, на што инсистираше Бугарија. Дел од аналитичарите ова го толкуваат како пролонгирање на макеоднските евроинтерграции.
Германското претседателство ги врати заклучоците за проширувањето на ЕУ.
Преговарачката рамка не е се уште под вето но има најави дека денес или утре во Брисел може да има некаков напредок иако шансите се минимални.
Во меѓувреме Бугарија го блокираше и потпишувањето на договорот на Македонија за Фронтекс.