65 -годишната Стојна Здравевска од штипската населба Македонка е една од 66- те болни и немоќни лица, кои денеска го остваруваат своето право на глас на изборите за градоначалник на Општина Штип. По третпат гласа дома и смета дека изборите се свечен чин.
Во општина Пласница гласаат 76 болни и немоќни лица. Проблеми при денешното гласање нема во двете општини. Гласаат и осудените лица во затворите низ земјава, од двете општини на избирачките места кои се отвараат и зтавараат во регуларниот термин правото на глас можат да го исполнат 68 осуденици, од кои 67 од Штип и еден од Пласница. Во штипскиот Затвор до пладне гласаа 40 отсто од избирачите, а на избирачкиот список се запишани 40 лица.
Вчера гласаа и болните од ковид и изолација, за утре гласачките места се отвараат во 7, а ќе се затворат во 19 часот. Во Штип право на глас имаа 41.777, кои гласаат на 77 избирачки места, додека во Пласница запишани се 4.954 граѓани, а се гласа на 9 избирачки места.
Викторија Јовановска
