Еврејската заедница во Македонија и фондот на холокаустот на Евреите од Македонија во денешното соопштение јавно ги повика денешните бугарски власти да се соочат со вистината за холокаустот врз Евреите во окупираните територии, за кои е директно одговорна пронацистичката влада на Царството Бугарија, и да се извинат и да ја прифатат одговорноста.
Според еврејската заедницата станува збор за морална обврска за признавање на вината , по примерот на многу европски држави кои биле на погрешната страна за време на втората светска војна, за злосторствата кои нивните претходници ги направиле врз еврејското население во окупираните територии во втората светска војна.
“Колку поскоро демократска Република Бугарија се соочи со болните и мрачни моменти од своето минато, помирувањето е возможно, бидејќи негирањата на злосторствата е прв чекор кон нивно повторување” – се вели во соопштението на еврејската заедница во Македонија.