Адвокатот Владимир Туфегџиќ најави дека денеска ќе поднесе жалба до Апелација за притворот на таткото на 14-годишната Вања Ѓорчевска. Одбраната на Александар Ѓорчевски ќе бара од ОЈО да објасни зошто нивниот клиент не е повикан на распит.
Туфегџиќ во гостување на ТВ24 дециден дека од обвинителот ќе бара и информации како снимките на кои тврди е гласот на Ѓорчевски, стигнале во рацете на контроверзниот српски политичар Срѓан Ного.
Од Обвинителството, пак, велат дека Ѓорчевски веќе дал исказ. И по нешто повеќе од еден месец од убиството на Вања Ѓорчевска и Панче Жежовски, за вештачењата на материјалните докази, за исказот на Ѓорчевски и што ќе се преземе во врска со објавените материјали на српскиот јутјуб-канал, велат дека во тек се истражни дејствија. Додаваат дека Јавниот обвинител ги спроведува истражните дејствија онака како што налагаат доказите и потребите на постапката.