Шифрин во Линц стигна до 92.победа во кариерата

Микаела Шифрин дојде до победата на велеслаомската трка во Линц во рамки на Светскиот куп во алпско скијање. За Американката ова беше вкупно 92 победа во кариерата, а 22-ра во велеслалом.

Шифрин беше најрза во двете возења во австрискиот ски центар, а до триумфот стигна со вкупно време од 2:05,98 минути. Второто место го освои Федерика Брињоне од Италија, која задоцни 38 стотинки зад Американката, а трета беше Сара Хектор од Шведска.

Во велеслалом, Брињоне го презема врвот од Лара Гут-Бехрами, со 400 бодови, а Швајцарката сега има 365 на втората позиција. Шифрин е лидер во генералниот пласман со 800 бодови, Брињоне е втора со 637.

Утре во Линц на програмата е слаломската трка.