Штефан Крафт дојде до петтиот сезонски триумф во Светскиот куп во ски скокови откако денеска беше најдобар во Енгелберг, Швајцарија.
Крафт во првата серија имаше скок од 135 метри, доволно за 5.место, но во втората серија прескокна 142 метри, па со 327,9 поени дојде до победата. Втор беше сонародникот на Крафт од Австрија, Јан Херл со четири бодови помалку, додека на подиумот се искачи и Германецот Пиус Пашке, кој вчера победи на оваа скокалница.
Австриецот останува лидер во генералниот пласман со 669 бодови, пред Андреас Велингер со 447, додека Пашке има 443 бодови.
Во Светскиот куп има мала пауза, а на 29 декември почнува Новогодишната турнеја „Четири Скокалници“ со натпреварувањето во Оберсдорф.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.