Микаела Шифрин беше најбрза на слаломот на домашната трка во Килингтон, САД. За Американката ова беше вкупно 90-та победа во кариерата во Светскиот куп во алпско скијање.
Шифрин вечерва славеше со вкупно време од 1:42,02 минути по двете возења за 55-ти триумф во слалом, а шести во Килингтон. Зад неа финишираше Петра Влхова од Словачла со 33 стотинки послабо време, додека трета беше Венди Холденер од Швајцарија.
Во слалом, Шифрин води со 250 бодови, пред Лена Дуер која има 190, додека Влхова е трета со 180. Американата е лидер и во генералниот поредок со 350 бодови, Влхова е втора со 266, а Сара Хектор има 224 бодови.
Следниот викенд скијачките се селат во Канада во Тремблан, каде на програмата се две трки во велеслалом.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.