Поради неуредна достава на судската покана, претседателот на ДИК Оливер Деркоски денеска не дојде во кривичниот суд каде требаше да се расправа за одземање на неговиот пасош и други мерки за обезбедување кои ги побара обвинителството во ремките на истрагата за набаката на софтверот за изборни резултати кој крахираше на изборниот ден.
Деркоски ни потврди дека не добил покана ниту во Државната изборна комисија ниту на домашна адреса ниту на поареншана адреса во Прилеп и дека секако ќе постапи по судската покана. Тројца вработени во ДИК кои биле дел од комисијата за јавни набавки денеска се појавија во суд, а одлуките дали ќе им бидат определени мерки за обезбедување ќе им бидат соопштени утре.
Деркоски и останатите се товарат дека спротивно на законот набавиле софтвер за изборниот процес и телевизори со што две фирми заработиле над 20 илјади евра. Спорниот софтвер на 15-ти јули затаи и ја остави државата без брзи резултати од парламентарните избори, а сајтот на ДИК беше цел и на хакерски напад, случај што се уште се истражува.