Центарот за јавно здравје започна комплетен скрининг во геријатриската установа „Сју Рајдер„ во Битола, каде коронавирусот е потврден кај 12 пацинети. Можно е бројката на заболени да е уште поголема, но колку штитенци се позитивни ќе покаже скринингот кој веќе го спроведуваат епидемиолозите од Центарот за јавно здравје во Битола. Ќе бидат тестирани и вработените, засега 4 од нив се во домашна изолација, затоа што пројавиле симптоми на вирусот.
-Во хосписот се сместени 61 пациент од кои 12 се позитивни, но имам и други кои што се со лесни симптоми. Веќе се изолирани во псоебни зони, црвена зона, жолта зона, односно по сите прописи. Посебен персонал се грижи за позитивните и суспектните пациенти, вели Елизабета Крстевска, директор на Центарот за јавно здравје во Битола.
Поголемиот дел од пациентите во геријатриската установа „Сју Рајдер“ во Битола, се неподвижни. Уште на почетокот на пандемијата, со мерките кои ги препорача Министерството за здравство, влезот во „Сју Рајдер“ во Битола е забранет за сите надворешни лица, а немаат пристап ниту членовите на потесните семејтства на пациентите., па неизвесно е како вирусот влегол во хосписот.
-Според првите претпоставки, кои ќе видиме дали ќе се потврдат, најверојтано е некој од вработените. Пациентите се неподвижни, нема посета, па најверојатно е некој од вработените. Тоа е претпоставка ќе видием дали ќе се потврди, вели Крстевска.
Вирусот најпрво е потврден кај двајца пациенти во хосписот во петокот. Кај нив е направено тестирање откако пројавиле лесни симптоми, односно покачена температура. За време на викендот позитивни биле уште 10 штитеници. Скринингот треба да покаже колку вкупно заболени има вво геријатриската установа Сју Рајдер во Битола.
Емилија Мисирлиевски
