Состојбата со Ковид – 19 во Гевгелија постојано се влошува и веќе е загрижувачка, велат здравствените локални власти.
За само месец и половина има над 260 нови пациенти со КОВИД – 19, а расте бројот и на смртни случаи.
Според епидемиологот Олумчев, клучно е да се крене свеста за самоизолација, граѓаните да не се движат ако имале контакт со заразено лице.
Гевгелискиот локален кризен штаб веќе два дена прави патроли во кои учествуваат и граѓани, а целта им е да се овозможи поголема контрола и почитување на мерките.
Во таа насока, втора недела е затворена капелата а погребите се одржуваат на отворено, на гробиштата, додека градскиот пазар функционира само со еден влез.
Сузана Мицева
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.