Македонија Најважни

Меѓувладина конференција со Македонија и понатаму цел на Германија

Германската амбасадорка ја реафирмира позицијата на нејзината земја дека,  цел на германското претседателство со ЕУ е одржување на првата меѓувладина конференција со Македонија до крајот на годинава. Тоа, вели, е во интерес на сите вклучени страни.

За забелешката на поранешниот евроамбасадор, Ерван Фуере, дека  ЕУ не прави доволно за да им помогне на Македонија и Бугарија да изнајдат решение, Холштајн рече дека ЕУ не треба да се меша во разликите меѓу земја – членка и земја кандидат за членство кои, според неа, се прашања што се решаваат билатерално. Во интерес на Бугарија, вели,  е да си ја зачува репутацијата на силен поддржувач на европеизација на регионот и лично верува дека тоа и ќе се случи.

Но, бугарскиот амбасадор не е оптимист. Го повтори ставот дека, Бугарија не може да ја промени позицијата во однос на почетокот на преговорите на Македонија со ЕУ.

Во детали за разговорите не сакаше да навлегува ниту шефот на македонската дипломатија.

На утринскиот појадок, министерот и амбасадорите договарале детали околу Берлинскиот процес, закажан на 9 и 10 ноември во Софија, а со кој Македонија и Бугарија ќе претседаваат заеднички. Дел од темите на кои ќе се стави акцент е формирање на заеднички регионален пазар по стандардите и критериумите на ЕУ, слободно движење на граѓаните во регионот со лични карти и формирање на зелени коридори.

Далиборка Демјанска

© 2020 Телевизија Телма. Сите права се задржани. Овој текст не смее да се печати или емитува, во целина или во делови, без договор со Телевизија Телма.

Поврзани содржини

Лага или вистина патот Градско – Прилеп траса за обвинувања меѓу СДСМ и ВМРО-ДПМНЕ

Дејан Дејан

Уапсени четворица државјани на Македонија на Косово поради пукање, а еден бил баран со потерница

Дејан Дејан

Парламентарни избори 2024 – Изборна хроника 04.05.2024

Дејан Дејан

Користиме колачиња на нашата веб-страна за да ви го дадеме најрелевантното искуство со запомнување на вашите преференции и повторни посети. Со кликнување на „Прифати“, вие се согласувате да се користат колачиња. Прифати Прочитај повеќе