Ливерпул и Манчестер Јунајтед покренаа иницијатива за формирање на Европска премиер лига која би била поддржана од ФИФА, која би можела целосно да ја смени европската клупска сцена.
Двата клуба најавуваат почеток на преговори со уште десетина клубови од Англија, Франција, Германија, Италија и Шпанија кои би биле основачи на новоформираното натпреварување кое би почнало да се одржува веќе од 2022 година.
Според планот во натпреварувањето би партиципирале најмалку 18 екипи, а мечевите би се играле во текот на националните фудбалски шампионати.
Екипите би биле поделени во неколку групи, а по завршувањето на оваа фаза најдобрите ќе продолжат со разигрувањето за титулата и за победникот е предвидена награда од стотина милиони долари.
Неофицијално за стартот на проектот се обезбедени шести милијарди долари од кои дел ќе им бидат поделени на учесниците во натпреварувањето.