Паркче- инсталација, што го промовира описменувањето и читањето книги кај децата , за прв е отворенo во Скопје, во населбата Аеродром. Се работи за двојазична инсталација на македонски и англиски јазик, со цел повисока едукација на децата, со оглед на времето во кое живееме, рече градоначалникот Петре Шилегов.
- Идејата е со оваа детска инсталација -игралиште, дечињата да се испровоцираат од најмали нозе да се запознаат со книгата, со нејзиниот изглед. Тука се, кириличните букви, со цел на најмладите генерации да им постанат визуелно познати буквите и да можат, што побргу да влезат во сопственото описменување. Меѓутоа, ова е и инсталација на англиски јазик, бидејќи јас сепак промовирам и мислам дека има потреба, децата да се едуцираат на што е можно повисоко ниво , имајќи предвид во какво време живееме, рече Шилегов.
Тој најави дека вакви инсталации ќе бидат поставени и во други населби низ Скопје, а следната ќе биде во Драчево. На, свеченото отворање на паркчето, со свои творби настапија ученици од ОУ „ Љубен Лапе“.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.