На нешто повеќе од два месеци пред почетокот на Светскиот фудбалски шампионат што ќе се одржи во Катар, отворен е и последниот стадион на кој ќе се играат мундијалските натпревари.
Со мечот меѓу прваците на Саудиска Арабија и Египет, Ал Хилад и Замалек во функција е пуштен осмиот стадион на кој ќе се играат мечевите од Светскиот куп.
Величественото здание кое е изградено во новиот град Лусаил кој е во непосредна близина на патеката за Мото ГП трките и се наоѓа дваесетина километри од престолнината Доха има капацитет од 80.000 места и е најголемиот стадион на кој ќе се играат натпреварите на првенството.
Изградбата чинеше околу 700 милиони долари, а познат по златниот прстен кој е направен околу трибините и токму овој натпревар беше последниот тест за стадионот на кој ќе се играат десет дуели на шампионатот вклучувајќи го и финалето.
Инаку натпреварот по 90 минути игра заврши без победник 1:1, а по подобро изведување на пенали славеше Ал Хилал.
ФОТО: Игор Паневски