Во првиот натпревар од 3. коло во домашниот фудбалски шампионат, Македонија ЃП триумфираше над Победа со 4:1.
Серијата голови ја отвори Сефер Емини уште во шестата минута. Во 18-тата, Адте Мазари израмни на 1:1.
До крајот на првиот дел домаќините уште два пати ја погодија мрежата на Прилепчани.
Во 34-тата Кристијан Стојкоски и донесе предност на Македонија ЃП од 2:1, а шест минути подоцна Емини повторно се запиша во листата на стрелците за водство од 3:1.
До крајот на натпреварот домаќините уште еднаш го совладаа противничкиот голман, а погодокот во 79-тата минута беше дело на Мена Перез.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.