Македонската кошаркарска репрезентација ги почна мини подготовките пред одигрувањето на првите две претквалификациски средби против Данска и Словачка.
Првите седум дена нашите кошаркари ќе ги минат во Маврово, а потоа следува завршниот дел од подготовките во Скопје и контролниот натпревар со Црна Гора.
“Имаме некои дваесетина дена, од кои седум во Маврово, добро да се подготвиме и да влеземе во натпреварувачки ритам. Екипата сега е малку повеќе комплетна во однос на претходно, имаме и нов селектор со кого добро се познаваме. Имаме еден контролен меч со Црна Гора, кој ќе биде најава за двата претквалификациски дуели. Се надевам дека ќе ги минеме овие претквалификации. Словачка ни е добро позната, во неколку наврати имаме играно и имаме позитивен скор, се надевам дека така и ќе продолжи. Данска и Норвешка можеби не звучат атрактивно, но не може да се потценат, затоа што денес сите играат кошарка. Одиме чекор по чекор и се надевам на позитивен исход. Секој играч ни е добредојден напомош за овие предизвици”, изјави Бојан Крстевски
ФОТО: Игор Паневски
