По вечерашната победа над Иран со 31:19, женската ракометна репрезентација на Македонија се пласираше во Главната рунда од Светското младинско првенство што се одржува во Скопје.
Само 24 часа по победата што ни го донесе првото место во групата нашата селекција утре од 20 часот и 30 минути во арената Борис Трајковски ќе се соочи со репрезентацијата на Шведска.
Втор противник во овој сегмент од шампионатот е селекцијата на Исланд со која се среќаваме в петок во истиот термин.
За пласман во четвртфиналето потребна ни е само една победа во дуелите со следните ривалки.
ФОТО: Игор Паневски