Фудбалерите на Шкупи вечерва од 21 часот на стадионот Максимир против Динамо Загреб ќе го одиграат првиот натпревар од второто квалификациско коло во Лигата на шампионите.
Првакот на Хрватска е фаворит, но предводникот на Шкупи, Гоце Седлоски кој како фудбалер неколку сезони го носеше синиот дрес најавува силен отпор.
“Дојдовме да одиграме добар натпревар, свесни сме дека Динамо е исклучително силен противник, кој секоја сезона игра во шампионската лига. Меѓутоа не секогаш победуваат фаворитите, а за тоа се свесни и моите фудбалери. Ќе дадеме се од себе да се претставиме во најдобро издание”, рече Седлоски во изјавата за Хрватската национална телевизија.
Натпреварот почнува во 21 часот, а реваншот е за седум дена во Скопје.
ФОТО: Игор Паневски