Платите ја губат битката со цените. Инфлацијата го изеде покачувањето на минималецот. Оние кои работат за 18 илјади денари, сега се покуси за околу 2.000 денари. Речиси една минимална плата е доволно само за храна и пијалоци. Кај просечната плата пак која е нешто над 30 илјади, загубите се повеќе од 50 евра.
Минимална плата со стапка на инфлација
18.000 денари 16. 057 денари – 1.943 денари
31.080 денари 27.725 денари -3.355 денари
Даночните експерти влегоа во пресметки, откако статисика вчера објави нов рекорд на инфлацијата од 12 проценти во мај, во однос на истиот месец лани.
Платите ја губат трката, животниот стандарт е исто така е губитник. Минималната плата има раст зошто е мерка, но просечната плата има раст од 6,6 отсто, но ако споредиме со растот од 7,5 проценти кај цените, гледаме дека платите заостануваат. Ако продолжи оваа трка на плати и цени сите ќе изгубиме многу, мислам дека треба помош на некој од бизнисите, прецизно да се таргетираат, а не да се фрлаат пари таму каде што не треба, вели за Телма Павле Гацов- даночен експерт.
Експертите алармираат – инфлацијата ќе расте и во следните два месеци, главно поради укинувањето на мерките за заштита од ценовни шокови. Потоа очекуваат да има постепено стабилизирање.
Едноставна е причината , прво трендот на зголемување на цените го достигна врвот и второ основата за пресметување е многу висока особено сега и од тие две причини мислима дека ќе забави растот на цените, додава Гацов.
И од ССМ реагираат дека месечните трошоци на едно четиричлено семејство од почетокот на годинава до сега се зголемени за околу 3.000 денари, но платите не го следат тој раст. Според статистиката најмногу поскапување има кај храната , транспортот, енергенсите. Ценовниот шок стана поголем откако Владата ги укина превентивните мерки. Основните производи значително поскапеа , некои и за повеќе од 70 отсто. Бизнисот веќе побара итно да се донесат мерки за стопанството, а Владата се уште анализира дали и со какви мерки би се интеревнирало.
Ирена Чачкова