Само неколку часа откако челниците на Премиер лигата ја одобрија продажбата на Челзи, зелено светло за промена на сопственичката структура даде и британската влада.
Од денеска со клубот раководи конзорциум на чие чело е американскиот милијардер и сопственик на МЛБ тимот, Лос Анџелес Доџерс, Тод Боели, а негови партнери се неговиот сонародник Марк Волтер и Швајцарецот, Хансјорг Вајс.
Новите сопственици ќе платат сума од 4,25 милијарди фунти, а приходот од продажбата ќе биде уплатен на сметка која во моментов е замрзната и е под контрола на владата.
Според претходните одлуки парите од продажбата на Челзи ќе бидат искористени во хуманитарни цели како помош за Украина.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.