Селекторот на македонската фудбалска репрезентација Благоја Милевски го соопшти списокот на играчи кои ќе бидат во конкуренција за првите четири натпревари од новото издание на Лигата на нации.
За претстојните дуели со Бугарија, Грузија и двете соочувања со Гибралтар, предводникот на националниот тим повика 28 фудбалери меѓу кои тројца се дебитанти. За прв пат повик да бидат дел од репрезентацијата добија Бојан Димовски од Академија Пандев, фудбалерот на Висла Краков, Енис Фазлагиќ и членот на Злате Моравце од Словачка, Томче Гроздановски. Во составот се враќаат Дени Илиев и Ердал Ракип кои поради повреди ги пропуштија бараж мечевите за пласман на Светскиот куп, а откако најде нов ангажман во националниот тим се врати и Ѓоко Зајков. Поради напорната сезона Милевски реши да им даде можност за одмор на Аријан Адеми и Адис Јаховиќ додека поради повреда овој циклус го пропушта Тихомир Костадинов. Фудбалерите со подготовки почнуваат на 26 мај, а потоа следуваат две гостувања во Разград против Бугарија на втори јуни и три дена подоцна дуел со Гибралтар. Во продолжението од Лигата на нации на деветти јуни во Скопје ја пречекуваме Грузија, а на 12 на арената Тодор Проески доаѓа Гибралтар.
ГОЛМАНИ: Столе ДИМИТРИЕВСКИ (Рајо Ваљекано, Шпанија), Дамјан ШИШКОВСКИ (Докса, Кипар), Кристијан НАУМОВСКИ (Шкупи), Дени ИЛИЕВ (Тренцин, СЛОВАЧКА);
ОДБРАНА: Стефан РИСТОВСКИ (Динамо Загреб, Хрватска), Дарко ВЕЛКОВСКИ (Ријека, Хрватска), Висар МУСЛИУ (Инглоштат, Германија), Кире РИСТЕВСКИ (АЕЛ Лимасол, Кипар), Езѓан АЛИОСКИ (Ал Ахли, Саудиска Арабија), Тодор ТОДОРОВСКИ (Серед, Словачка), Стефан АШКОВСКИ (Сепси, Романија), Никола СЕРАФИМОВ (Залаегерсег, Унгарија), Ѓоко ЗАЈКОВ (Славија Софија, Бугарија), Бојан ДИМОСКИ (Академија Пандев);
СРЕДЕН РЕД: Елиф ЕЛМАС (Наполи, Италија), Енис БАРДИ (Леванте, Шпанија), Стефан СПИРОВСКИ (МТК, Унгарија), Енис ФАЗЛАГИЌ (Висла Краков, Полска), Томче ГРОЗДАНОВСКИ (Злате Моравце, Словачка), Ердал РАКИП (Малме, Шведска), Бобан НИКОЛОВ (Шериф Тираспол, Молдавија), Давид БАБУНСКИ (Дебрецин, Унгарија);
НАПАД: Милан РИСТОВСКИ (Спартак Трнава, Словачка), Бојан МИОВСКИ (МТК, Унгарија), Дарко ЧУРЛИНОВ (Шалке 04, Германија), Александар ТРАЈКОВСКИ (Ал Фејха, Саудиска Арабија), Ваљон ЕТЕМИ (Истанбулспор, Турција), Дориан БАБУНСКИ (Дебрецин, Унгарија);
ФОТО: Игор Паневски