Европската фудбалска федерација ги објави термините за одигрување на натпреварите во Лига Европа до крајот на годинава.
Според календарот прелиминарната рунда на програмата е на 20 август. Првото квалификациско коло ќе се игра една недела подоцна, а второто е предвидено за 17 септември додека третата рунда е закажана за седум дена.
Решавачките дуели за влез во фазата по групи ќе се играат на први октомври. Фазата по групи почнува на 22 октомври, второто коло на програмата е на 29, а 5 и 26 ноември се термините за одигрување на третата и четвртата рунда.
Завршните две кола од фазата по групи ќе се играат на трети и десети декември.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.