Власта по неколку месеци, ја изготви својата потрошувачка кошничка откако ја оспорија онаа на Синдикатот.
Кошничката сега е пред Економско-социјалниот совет (ЕСС), кој треба да даде оценка. Заменик министерод за економија Ристески рече дека потрошувачката кошничка не е пандан на синдикалната и е изработена врз база на податоци не само од Државниот завод за статистика туку и од маркети, пазари.
–Потрошувачката кошничка не е некој пандан на синдикалната минимална кошничка, едноставно ќе биде врз база на релевантни показатели, не само од Државниот завод за статистика, туку и од сите други институции во државата – од маркетите, пазарите,… Ќе ни биде потребна кога имаме економски кризи или одредени економски политики, да ни дава насоки во креирање нови законски решенија, економски стратегии, одлуки, рече заменик министерот за економија Марјан Ристески..
Ристески не кажа што ќе содржи кошничката но претходно од Владата најавија дека ќе бидат земени предвид параметри од најголемите маркети во Македонија, „за се она што е потребно за еден просечен живот, за едно просечно македонско семејство“.
