Нови, повисоки, цени на горивата за два до два и пола денари од полноќ, одлучи Регулаторната комисија за енергетика (РКЕ). Еуросупер БС-95 поскапува за два денара и ќе чини 87 денари за литар, а Еуросупер БС-98 поскапува за два и пол денари и од полноќ ќе се продава по цена од 89 денари за литар. За два и пол денари се зголемува и цената на дизелот кој сега ќе чини 92 денара за литар.
Се зголемува и малопродажната цена на мазутот за 0,846 денари за килограм и сега ќе се продава за 50,814 денари за килограм. Единствено се намалува цената на Екстра лесното масло за домаќинство за половина денари и од полноќ ќе се продава за 93,5 денари за литар.
Новите цени се зголемени во просек за 1,84% во однос на одлуката од минатиот понеделник.
Владата во саботата на вонредна седница донесе одлука до 1 јуни да продолжат мерките за ублажување на последиците од кризата на Блискиот Исток.
