Неколку сантиметри снег го блокираa градот. Граѓаните од рано утринава со фотографии и видеа на социјалните мрежи сакаа да ја доловат состојбата по улиците и булеварите. Дел од оние пак кои ги анкетиравме велат дека тешко се движеле и имале проблеми да дојдат до работното место и да ги завршат обврските. Но, дека не се изненадени, затоа што секоја зима ако падне снег се случува истото.
Снегот не ги изненадил – од друга страна пак градоначалникот на Гард Скопје Ѓорѓиевски преку фејсбук соопшти дека – екипите од рано утринава биле на терен и ги расчистувале булеварите.
Со цел навремена и ефикасна реакција, кризниот штаб е активиран 24 часа дневно, со континуирано следење и детектирање на сите клучни и критични точки, напиша Ѓорѓиевски на фејсбук
Врнежите од снег проблеми направија и на повеќето патни правци низ државава. Па, така оној од Велес за Скопје беше затворен, а на повеќе места имаше и забрана за тешки товарни возила.
Но, последно од АМСМ соопштија дека состојбата е нормализирана, патиштата се проодни, а екипите на ЈП Македонија пат целосно екипирани и на располагање доколку има потреба од тоа.
Поради неколку сантиметри снежна покривка Општина Чаир го откажа и својот настан. Во известување стои дека поради снежните врнежи и неповолните временски услови ќе има нов термин за нивната прес конференција.
А пак граѓаните со герила акција им покажаа на градските власти колку е опасно да се движиш по скопските булевари.
Ирена Чачкова