Девизните резерви на Македонија на крајот на ноември изнесувале 4.86 милијарди евра, што е зголемување за 19 милиони евра во споредба со претходниот месец, соопшти Народната банка. Најголем дел од резервите се вложени во хартии од вредност потоа монетарното злато и еден помал дел во валутите и депозитите.
Меѓувреме на граѓаните им остануваат уште два дена, денеска и утре, за да запишат граѓански обврзници од третата емисија во деловните банки. Обврзниците се со рок од две години и годишна каматна стапка од 4,5%, а износот на една обврзница е 10.000 денари.
Вкупниот износ на емисијата е 100 милиони денари, а аукцијата е закажана за 12 декември. Датумот на достасување е 19 декември 2027 година, а каматата ќе се исплаќа по години: првата на 19 декември 2026 и втората на 19 декември 2027 година.
T.Д.
