Движењето Самоопределување го номинираше својот лидер, Албин Курти, за премиер на изборите закажани на 28 декември во Косово. Потпретседателот на партијата, Гљаук Коњуфца, го оцени Курти како најуспешен прeмиер и најгласно поддржан од народот во историјата на парламентарната демократија.
Коњуфца ги обвини опозициските партии дека се обидуваат да ја блокираат државата за да го ослабнат Курти, нагласувајќи дека граѓаните имаат право да прашаат што всушност сакаат другите политички субјекти.
Курти, пак, истакна дека повторното одржување избори не е негова вина, туку резултат на одбивањето на другите партии за соработка. Претходно, за премиер беа номинирани и кандидатите на Демократската партија на Косово, Бедри Хамза, и на Демократскиот сојуз на Косово, Љумир Абдиџику, кои исто така ќе учествуваат во изборната трка.
Т.Д.
